Zbulohen specifikimet më të rëndësishme të Samsung Galaxy S25 FE
Pas një sërë thashethemesh që kanë qarkulluar kohët e fundit, është shfaqur një listë e plotë e specifikimeve më të rëndësishme të telefonit inteligjent Samsung Galaxy S25 FE që do të dalë së shpejti.
Telefonti inteligjent do të fuqizohet nga procesori Exynos 2400, i cili është një përmirësim i vogël në krahasim me Exynos 2400e në modelin e mëparshëm.
Ai shoqërohet me 8 GB RAM dhe 128 ose 256 GB memorie të brendshme.
S25 FE vjen me një ekran AMOLED me një rezolucion prej 1,080×2,340 pikselësh dhe një shpejtësi rifreskimi prej 120 Hz, i cili mbrohet nga Gorilla Glass Victus.
Në pjesën e pasme është një kamerë kryesore 50 MP (f/1.8) me stabilizim optik të imazhit, një kamerë ultra e gjerë 50 MP (f/2.2) dhe një kamerë telefoto 8 MP (f/2.4) me zmadhim optik 3x dhe stabilizim optik të imazhit, ndërsa pjesa e përparme ka një kamerë selfie 12 MP (f/2.2).
Pajisja fuqizohet nga një bateri 4,500 mAh me mbështetje për karikim me tel 45W dhe pa tel 15W.
Dimensionet e telefonit inteligjent janë 161.3×76.6×7.4 mm, dhe peshon 190 gramë.
Do të jetë rezistent ndaj ujit dhe pluhurit sipas standardit IP68 dhe do të përdorë Android 16 me ndërfaqen e përdoruesit One UI 8.
Krahasuar me paraardhësin e tij, S25 FE ka një kamerë selfie me rezolucion më të lartë, karikim me tel më të shpejtë dhe një bateri më të vogël, pasi S24 FE fuqizohet nga një bateri 4,700 mAh.
Sipas informacionit nga Samsung, Galaxy S25 FE do të prezantohet pak më herët se modeli i mëparshëm, i cili mbërriti në fund të shtatorit të vitit të kaluar.
