Volkswagen drejt prodhimit të veturës sportive me motorë elektrikë në rrota

Volkswagen planifikon të ofrojë versionin më të mirë sportiv për modelin e ri elektrik ID.2 R, i cili mund të jetë modeli i parë që përdor motorë elektrikë në rrota si pjesë e sistemit të ri me tërheqje në të katër rrotat.

Ky kompakt elektrik sportiv, në fakt, mund të jetë pjesë e një iniciative më të gjerë inxhinierike, të udhëhequr nga departamenti i Performancës R.

Nëse vërtet merr dritën e gjelbër, ID.2 R do të vendoset mbi ID.2 GTI-në e shpallur tashmë, dhe në të njëjtën kohë mund të jetë një lloj rivali për Renault 5 Turbo 3E.

Struktura e fuqisë e konsideruar për ID.2 R ruan motorin elektrik të përparmë dhe elektronikën e fuqisë së modelit GTI, por shton dy motorë elektrikë të kontrolluar në mënyrë të pavarur në boshtet brenda rrotave të pasme.

Kjo do të lejonte një përmirësim të ndjeshëm të performancës dhe tërheqjes në të katër rrotat pa kompromentuar hapësirën e bagazhit.

Volkswagen ka konfirmuar se ID.2 standard do të debutojë në vitin 2026, ndërsa versioni crossover i ID.2 do të mbërrijë në vitin 2027.

Është veçanërisht interesante që ky version i fuqishëm R po zhvillohet në bashkëpunim me një partner teknologjik me seli në Ballkan, i cili specializohet në sisteme motorike të lehta dhe efikase brenda rrotave.