Porsche 917, një nga veturat më të dëshirueshme dhe të vlefshme të të gjitha kohërave

Porsche 917 është një nga veturat e garave më të dëshirueshme dhe të vlefshme të të gjitha kohërave.

Pavarësisht kësaj, shumë pronarë i marrin të tyret në pistë.

Së fundmi, një video e publikuar në YouTube nga PS Automobile tregon një Porsche 917 në pistën e famshme gjermane Nürburgring dhe falë fuqisë së kamerave, ne mund të shohim se si është të ngasësh atë, përcjell Telegrafi.

Kjo 917 në ngjyrat ikonë të gjelbër dhe të bardhë, dikur ishte në pronësi të legjendës së garave David Piper, i cili e përdori atë për të konkurruar në garat në fillim të viteve 1970, duke përfshirë 24 Hours of Le Mans.

Tani, ajo mirëmbahet nga PS Automobile, një tregtar në Gjermani, për ngjarje historike.

Sigurisht, kjo veturë mund të jetë mbi 50 vjeç, por është ende tepër e shpejtë sipas standardeve moderne.

E më mbresëlënës se shpejtësia e 917 është zëri i saj. /telegrafi