Sa website krijohen në botë në një sekondë?
Me mbi 1 miliard faqe interneti aktive në mbarë botën, prezantohen tre faqe të reja në çdo sekondë, ku Google, YouTube, Facebook, Instagram dhe Twitter janë ndër faqet e internetit më të vizituara në internet.
Sipas të dhënave nga faqja e internetit Siteefy për ndërtimin e faqeve në internet, 10 500 faqe interneti hapen çdo orë në mbarë botën, 175 sajte çdo minutë dhe tre sajte çdo sekondë.Ndër faqet e internetit në mbarë botën, 18% (afërsisht 202 milionë) prej tyre përdoren në mënyrë aktive.
252 000 faqe të reja në internet krijohen çdo ditë, që barazohet me 10,500 faqe në orë, 175 sajte në minutë dhe tre faqe në sekondë në funksion.
Shumica e vizitave shkojnë në Google, YouTube
Bazuar në të dhënat nga similarweb.com, “google.com” është uebfaqja më e vizituar globalisht, e ndjekur nga “youtube.com”, “facebook.com”, “instagram.com” dhe “twitter.com”.
Për sa i përket kohëzgjatjes mesatare të vizitave, përdoruesit shpenzojnë rreth 10 minuta e 38 sekonda në Google, 20 minuta e 25 sekonda në YouTube, 10 minuta e 43 sekonda në Facebook, 8 minuta e 22 sekonda në Instagram dhe 10 minuta e 47 sekonda në Twitter.
64.9% e popullsisë së botës përdor internetin.
Vendet me aksesin më të lartë në internet përfshijnë Norvegjinë, Arabinë Saudite dhe Emiratet e Bashkuara Arabe, të gjitha me 99%. Azia kryeson në totalin e përdoruesve të internetit me 2.93 miliardë, e ndjekur nga Evropa me 750 milionë përdorues. / atsh
