Twitter-i humbi gati gjysmën e të ardhurave nga reklamat prejse u ble nga Elon Musk
Twitter-i ka humbur pothuajse gjysmën e të ardhurave të tij nga reklamat, ka zbuluar pronari i këtij rrjeti social, Elon Musk, i cili e bleu atë për 44 miliardë dollarë (rreth 39 miliardë euro) tetorin e kaluar.
Sipas mediave të huaja, përcjell Telegrafi, ai tha se kompania nuk kishte parë rritjen e të ardhurave që pritej në qershor, por shtoi se korriku ishte “pak më premtues”.
you should get a consortium together who understands your vision for this website (whether it’s more of a public utility or a business meant to generate cash flow is up to you) and have them buy the debt then do a tender/exchange offer for convertible notes w more favorable terms
— sophie (@netcapgirl) July 14, 2023
Ndryshe, Elon Musk shkarkoi rreth gjysmën e stafit prej 7,500 të Twitter-it kur mori detyrën në vitin 2022 në një përpjekje për të ulur kostot.
Në anën tjetër, aplikacioni rival Threads tani ka 150 milionë përdorues, sipas disa vlerësimeve.
Lidhja e integruar me Instagram i jep automatikisht Threads, platformës së projektuar nga Meta, qasje për dy miliardë përdorues të mundshëm.
Kujtojmë se në fillim të këtij muaji Twitter vendosi të kufizojë sa tweet-e mund të lexojnë përdoruesit e tij.
Kështu, ishte bërë e ditur se përdoruesit e paverifikuar mund të lexojnë 1,000 cicërima, dhe përdoruesit e verifikuar 10,000 në ditë, një lëvizje për të cilën thuhet se ka “hutuar” reklamuesit.
Ai pasoi përpjekjet për të shtyrë përdoruesit drejt Twitter Blue, shërbimi i tij i abonimit me pagesë.
Ndërkohë, Linda Yaccarino, më parë drejtuese e reklamave në NBCUniversal, u angazhua si CEO në qershor – një lëvizje që sugjeron se shitjet e reklamave janë ende një prioritet për Twitter.
