Elon Musk ka punësuar dy nga kushërinjtë e tij në Twitter
Elon Musk ka punësuar anëtarë të familjes për të punuar në selinë e Twitter në San Francisko, kanë thënë për Business Insider dy persona të njohur me këtë çështje.
Kushërinjtë e tij James Musk dhe Andrew Musk – djemtë e xhaxhait të miliarderit – tani duket se janë punonjës me kohë të plotë në Twitter.
Andrew Musk punon në projekte të inxhinierisë softuerike, ndërsa James Musk është më shumë si “një tip ndreqës”, duke ndihmuar Elon Musk në detyra të ndryshme, ka thënë një burim i brendshëm.
Njeriu më i pasur në botë ka sjellë gjithashtu staf nga kompanitë e tij të tjera, duke përfshirë inxhinierë nga Tesla dhe The Boring Company, përcjell Telegrafi.
Të tjerë përfshijnë avokatin e tij Alex Spiro dhe krahun e djathtë të tij Jared Birchall, i cili drejton zyrën e familjes së Musk, Excession. Ata janë ndër të besuarit e Musk-ut.
Që kur Elon Musk mori drejtimin e Twitter në fund të tetorit, rreth 70% e stafit të fuqisë punëtore prej 7,500 personash janë pushuar nga puna ose kanë dhënë dorëheqjen.
