Numri i makinave në qytetet gjermane është rritur përsëri

Më shumë njerëz po përdorin makinat për transport në Gjermani, duke rritur dendësinë e trafikut.

Kështu së paku thuhet në një studim, i cili vuri në dukje se tendenca nuk ishte formuar vetëm nga pandemia.

Sipas mediave të huaja, përcjell Telegrafi, numri i makinave të regjistruara vitin e kaluar u rrit në 22 nga 25 qytetet e mëdha të adresuara në studim, sipas ekspertit të industrisë Ferdinand Dudenhoeffer, i cili përdori të dhëna nga autoriteti i transportit motorik dhe zyra e statistikave.

Siç thuhet më tej, numri i automjeteve u rrit 1.1 për qind në Berlin dhe Leipzig, 1.2 për qind në Hanover dhe 1.7 për qind në Dortmund dhe Freiburg. Rritja ishte më e madhe në Bochum, me 2.2 për qind.

Në përgjithësi, dendësia e makinave urbane për 1.000 banorë u rrit pak nga 450 në 451 gjatë vitit 2020.