2020-ta - Viti i brishtë i teknologjisë

Si ndryshoi gjithçka COVID-19, çfarë pritet për 2021?

Tani është ajo kohë e lumtur e vitit për të bërë parashikime për vitin e ardhshëm dhe më gjerë, një ushtrim që duket më i pakuptimtë se zakonisht kur bëhet fjalë për teknologjinë.

Parashikimet në mënyrë të pashmangshme rezultojnë të pasakta dhe duke parë se si kaluan 12 muaj më parë, më mirë të mos parashikojmë asgjë. Askush nuk parashikonte një pandemi që do të na shtynte me shpejtësi drejt një kulture pune nga shtëpia dhe një transformimi digjital me shumicë të jetës sonë, shkruan Financial Times.

Pastaj, atyre parashikimeve jo të besueshme i shtohet fakti që ne e dimë të ardhmen tashmë. CEO Satya Nadella tha që Microsoft kishte parë dy vjet transformim digjital në dy muaj, transmeton Telegrafi.

Por nëse e ardhmja është tashmë këtu, siç tha William Gibson, ajo ende nuk është e shpërndarë në mënyrë të barabartë.

Më poshtë shikojmë për temat e mëdha të vitit 2020. Do të kthehemi më 4 janar me atë që po ndodh me të vërtetë në teknologji.

Zoom është një nga zgjedhjet tona kryesore të vitit. Zoom u bë fituesi i madh kur u rrit numri i punëtorëve nga shtëpia. Vlera e themeluesit Eric Yuan u rrit nga 4 miliardë dollarë në 18 miliardë dollarë.

Apple, Microsoft, Amazon, Alphabet dhe Facebook kishin shtuar më shumë se 12 milionë dollarë në tregun e tyre të kombinuar deri në nëntor.

Kina është gjithashtu në telashe me gjigantët e saj, ku Alibaba u vu nën hetimin e antitrustit. Silicon Valley gjithashtu mund të humbasë një pjesë të ndikimit të saj, me Oracle, HPE dhe madje Elon Musk duke lëvizur drejt Teksasit.

Me të gjithë të mbërthyer në divan në vetë-izolim në vitin 2020, Netflix pret që të ketë kaluar 200 milionë abonues globalisht deri në fund të këtij viti dhe rivali i tij më i ngushtë Disney pret që shërbimi i tij Plus të trefishohet në madhësi në rreth 250 milionë përdorues deri në vitin 2024. Nëse ata kanë qenë fituesit më të mëdhenj në luftërat transmetuese këtë vit, Quibi ishte humbësi më i madh – shërbimi i videos tha në tetor  se po mbyllej  pas vetëm gjashtë muajsh dhe fajësonte mungesën e lëvizshmërisë së njerëzve në pandemi. Zinxhirët e kinemasë ishin humbësit e tjerë të mëdhenj./Telegrafi