Facebook u jep punonjësve një bonus në kohën e koronavirusit

Drejtori i Përgjithshëm i Facebook Mark Zuckerberg ka konfirmuar se punonjësit e rrjetit social do të marrin një bonus prej 921.83 euro për të ndihmuar ata të mbijetojnë përmes pandemisë koronavirus.

Bonusi do t’u jepet 45,000 punonjësve të kompanisë, shumë prej të cilëve tani punojnë nga shtëpia, por nuk do t’u paguhen kontraktuesve, raporton “Metro”.

Kontraktuesit, të cilët kryejnë detyra të tilla si moderimi i seksionit të komenteve, do të vazhdojnë të marrin pagat e tyre të plota edhe nëse nuk janë në gjendje t’i kryejnë të gjitha detyrat e tyre për shkak të sëmundjes.

Ndërkohë, shpërblimi i paguar për stafin me kohë të plotë ka për qëllim të ndihmojë në gjëra të tilla si ngritja e një zyre në shtëpi ose pagesa për kujdesin e fëmijëve.

Sipas informacionit, njoftimi është bërë personalisht nga Zuckerberg në një memorandum të brendshëm që u ka qarkulluar të gjithë punonjësve. Më vonë, në një telefonatë me reporterët, Zuckerberg tha që politika e punës së kompanisë nga shtëpia do të vazhdojë derisa “përgjigja e shëndetit publik të jetë e mjaftueshme”.

Rrjeti social tha se më shumë se 200,000 njerëz në Mbretërinë e Bashkuar janë anëtarë të më shumë se 300 grupeve mbështetëse lokale të COVID-19 në Facebook.