Xiaomi Mi 10 do të ketë mbushësin më të shpejtë ‘wireless’ prej 30W

Xiaomi njoftoi mbushësin pa tel 30W Mi Charge Turbo në shtator të vitit të kaluar, duke pretenduar se karikon një bateri 4,000mAh nga 0 në 100% në rreth 70 minuta.

Kompania konfirmoi sot në një postim në Weibo se telefonat e saj të serisë Mi 10, të cilat do të lansohen në një ngjarje vetëm në internet në Kinë nesër, do të mbështesin standardin e karikimit pa tel Mi Charge Turbo.

Së bashku me karikimin me shpejtësi të lartë dhe pa tel 30W, seria Mi 10 do të ofrojë karikim të shpejtë me tel 50W si dhe karikim të kundërt 10W.

Siç konfirmohet nga kompania tashmë, të dy Mi 10 dhe Mi 10 Pro do të mundësohen nga Snapdragon 865 SoC të Qualcomm dhe do të jenë telefonat e parë të serisë për të shfrytëzuar RAM LPDDR5.

Ndërsa thashethemet e mëparshme kishin pretenduar se Mi 10 mund të shfaqë një ekran 120Hz, një postim zyrtar i ndarë në Weibo sot zbulon se telefonat do të vijnë me ekrane 90Hz AMOLED.