Apple shet më shumë orë se gjithë industria zvicerane e orëve
Vitin e kaluar, Apple Watch kishte shitur mbi 30 milionë orë. Apple la industrinë zvicerane të orëve shumë larg me shitjet e saj. Sipas një raporti nga firma konsulente britanike Strategy Analytics, e gjithë industria zvicerane e orëve shiti 21.1 milionë orë dore në 2019, 13 për qind më pak se në vitin e kaluar. Shitjet e Apple Watch, nga ana tjetër, u rritën me 36 për qind në 30.7 milionë vitin e kaluar, trasnmeton Telegrafi.
“Orët tradicionale zvicerane si Swatch dhe Tissot po humbasin luftën me smartwatch”, thotë një blog nga Strategy Analytics. Koha mund të mbarojë për Swatch, Tissot, TAG Heuer dhe të tjerët orë dore tradicionale.
Për sa i përket shitjeve, Zvicra duhet të ketë akoma një epërsi të qartë ndaj Apple sepse orët e luksit me çmime të larta aktualisht shiten mirë në të gjithë botën. Në vitin 2018, orët zvicerane eksportuan ekuivalentin e 19.8 miliardë eurove. Vlera zyrtare për vitin 2019 nuk është ende në dispozicion, por vlerësohet të tejkalojë pragun prej 20 miliardë eurosh.
Grupi Swatch është prekur veçanërisht nga trazirat në industrinë e orëve. Grupi përfshin marka luksoze si Breguet, Blancpain, dhe Omega, por edhe marka që synojnë audiencën me më pak fuqi blerëse, siç janë Tissot, Calvin Klein , Swatch dhe Flik Flak.
