A është konsultuar Specialja për ndryshimet e propozuara?
Dhomat e Specializuara në Hagë i kanë thënë Radios Evropa e Lirë javën e kaluar se nuk janë konsultuar për ndryshimet e propozuara në ligjin që rregullon funksionimin e tyre.
Çështja e konsultimit është e rëndësishme, pasi Kosova ishte zotuar në vitin 2014 të konsultohej me Bashkimin Evropian për nisma ligjore, që mund të ndikojnë në mandatin e Speciales ose në procedurat e saj gjyqësore.
Vetë Dhomat e Specializuara kanë thënë se nuk komentojnë nisma politike.