Nis faza e ligës së Ligës së Evropës, sot në program nëntë ndeshje

Faza e ligës së UEFA Europa League 2026/27 nis sot, më 16 shtator, me nëntë ndeshje që do të zhvillohen në kuadër të xhiros së parë.

Në mesin e përballjeve më interesante është dueli mes Milanit dhe Benficas, që zhvillohet në orën 21:00. Të dyja skuadrat hyjnë në këtë edicion me synime të mëdha, ndërsa kjo përballje është edhe një prej ndeshjeve kryesore të kësaj xhiroje, sipas UEFA-s.

Po në orën 21:00, Bayer Leverkuseni do ta presë Celen, ndërsa Anderlechti do të përballet me Lyonin. Në të njëjtën kohë do të zhvillohen edhe Hapoel Beer-Sheva – Dinamo Zagreb, Olympiacos – Jagiellonia, Sturm Graz – Rennes dhe Sunderland – AZ Alkmaar.

Dy takimet e para të mbrëmjes nisin në orën 18:45. Ararat-Armenia përballet me Sparta Pragën, ndërsa Omonia e pret Celta Vigon.

Kjo është vetëm pjesa e parë e xhiros hapëse, pasi nëntë ndeshje të tjera do të zhvillohen të enjten, më 17 shtator. Faza e ligës përbëhet nga tetë xhiro dhe do të përfundojë më 28 janar 2027.

Ndeshjet e sotme:

18:45

Ararat-Armenia – Sparta Pragë

Omonia – Celta Vigo

21:00

Milan – Benfica

Bayer Leverkusen – Celje

Hapoel Beer-Sheva – Dinamo Zagreb

Olympiacos – Jagiellonia

Anderlecht – Lyon

Sturm Graz – Rennes

Sunderland – AZ Alkmaar.