Ambasadori i BE-së në Kosovë takohet me përfaqësuesin e OKB-së, flasin për bashkëpunimin në vend

Ambasadori i Bashkimit Evropian në Kosovë, Dirk Schuebel, është takuar këtë mëngjes me përfaqësuesin special të sekretarit të përgjithshëm të OKB-së (SRSG), Peter Due.

Gjatë takimit, Schuebeli dhe Due diskutuan për bashkëpunimin mes Bashkimit Evropian dhe Organizatës së Kombeve të Bashkuara në Kosovë, me theks të veçantë në ndërtimin e besimit ndëretnik dhe mbështetjen për shoqërinë civile.

Në takim u diskutua gjithashtu për ndikimin e zhvillimeve të reja gjeopolitike dhe të sigurisë globale në Kosovë dhe në rajonin e Ballkanit Perëndimor.