Kurti: Do të vazhdojmë me bisedime për presidentin, synojmë të shmangim përsëritjen e zgjedhjeve

Kryeministri në detyrë, Albin Kurti, ka thënë se do të vazhdojnë takimet dhe bisedimet për zgjedhjen e presidentit, me qëllim që të shmanget përsëritja e zgjedhjeve, të cilat i ka cilësuar të paarsyeshme.

Kurti ka thënë se është vazhdimisht në komunikim me të tjerët, ndërsa për qëndrimet e atyre që kanë paralajmëruar bojkotimin e zgjedhjes së presidentit, ka kërkuar që pyetjet t’u drejtohen atyre.

“Vazhdojmë me takime, bisedime në mënyrë që ta zgjedhim presidentin dhe të mos kemi nevojë t’i përsërisim zgjedhjet që janë të paarsyeshme. Unë jam vazhdimisht me të tjerët dhe besoj që duhet t’i shtroni pyetje atyre që po thonë që do t’i bojkotojnë zgjedhjen e presidentit”, tha Kurti. /eo