“Shqipëria është magjike”, Richard Grenell mbyll pushimet në Vlorë

I dërguari i posaçëm i presidentit amerikan Donald Trump për misione speciale, Richard Grenell, ka zgjedhur rivierën shqiptare për të kaluar pushimet verore.

Në përfundim të qëndrimit të tij në Vlorë, Grenelli është shprehur i impresionuar nga qyteti dhe bukuritë e Shqipërisë, duke e cilësuar Vlorën si një vend magjik.

Në një postim në rrjetet sociale, Grenelli ka ndarë me ndjekësit disa foto dhe video nga qëndrimi i tij në Shqipëri, duke theksuar se i ka realizuar vetë, në mënyrë spontane dhe pa planifikim. “Vlora, Shqipëria, është magjike”, shkroi Grenelli.