Aksident trafiku në Vranidoll, vdes një person

Një person ka vdekur në një aksident trafiku në fshatin Vranidoll të Prishtinës.

Lajmin e ka konfirmuar për “Zërin” zëdhënësi i Policisë së Kosovës për Prishtinën, Enis Pllana, i cili bëri të ditur se në këtë aksident kanë qenë të përfshira dy automjete.

“Rreth orës 12:00 Policia ka pranuar informatën se në fshatin Vranidoll të Prishtinës ka ndodhur një aksident trafiku me pasoja fatale. Në aksident kanë qenë të përfshira dy automjete. Si pasojë e lëndimeve të marra, një person ka humbur jetën. Vdekja e tij është konstatuar nga ekipi mjekësor emergjent në vendin e ngjarjes”, ka treguar Pllana.

Tutje, Pllana ka bërë të ditur se Njësitet e Trafikut Rajonal të Prishtinës, në koordinim me prokurorin e Shtetit, janë duke ndërmarrë veprimet e nevojshme hetimore për sqarimin e rrethanave të këtij aksidenti. /Zëri