Trumpi pas takimit me kryeministren italiane në Samitin e G7: Meloni m’u lut të bënim një foto, më erdhi keq për të

Presidenti i Shteteve të Bashkuara, Donald Trump, tha të premten në emisionin “Aria che Tira” të stacionit televiziv italian La7 se kryeministrja italiane, Giorgia Meloni, po i “lutej” të bënte një foto me të në Samitin e G7 këtë javë.

Në fillim të intervistës, Trumpi e ktheu menjëherë bisedën te Melonit, duke pyetur: “Si është kryeministrja juaj? Çfarë tha ajo kur më takoi? Ndoshta është e lumtur që fola me të. Nuk kisha nevojë të flisja me të. Nuk di çfarë të them. M’u lut të bëja një foto me të. Donte shumë një foto me mua. Nuk do ta kisha bërë, por më erdhi keq për të”, shtoi ai.

Deri në luftën me Iranit, Meloni dhe Trumpi ishin miq të mirë, dhe ajo ishte e vetmja udhëheqëse evropiane e ftuar në inaugurimin e tij vitin e kaluar. Megjithatë, qeveria italiane refuzoi t’ia jepte SHBA-së lejen për të përdorur një bazë ajrore në Sicili për sulme gjatë luftës. Trumpi akuzoi Italinë se nuk po ndihmonte dhe tha se Meloni kishte ndryshuar.

Kryeministrja gjithashtu e zemëroi Trumpin duke mbrojtur Papa Leon pasi presidenti tha se Papa ishte “i butë ndaj krimit” dhe “shkatërrues për politikën e jashtme” pas kritikave të tij për luftën.

Pas Samitit, Meloni deklaroi se marrëdhëniet e saj me Trumpin nuk kanë ndryshuar, nuk ka pasur “kundërargumente” dhe se të dy udhëheqësit i kuptojnë pikëpamjet e njëri-tjetrit .

Gjatë samitit të G7-ës, Trumpi tha në një bisedë që përfshinte edhe presidentin e Këshillit Evropian Antonio Costa dhe kancelarin gjerman Friedrich Merz se ai ishte “braktisur” nga Meloni. Kur Costa pyeti nëse Meloni dhe Trumpi ishin rikthyer së bashku, kryeministrja italiane tha “ne kemi qenë gjithmonë miq ”, ndërkohë Trumpi buzëqeshi dhe tha: “Unë u braktisa?! Jo, nuk isha”, tha ai duke qeshur.

Giorgia Meloni isn't playing with Trump one bit lol. Damn. pic.twitter.com/7cCBgMYG4j

— Anonymous (@YourAnonNews) June 17, 2026