Biblioteka Kombëtare me ekspozitë “KFOR and Kosova +25”

Biblioteka Kombëtare e Kosovës “Pjetër Bogdani” ka njoftuar hapjen e një ekspozite fotodokumentare me rastin e shënimit të Ditës së Çlirimit të Kosovës.

Ekspozita titullohet “KFOR and Kosovo +25” dhe është organizuar në bashkëpunim me organizatën britanike “Heartstone”.

Ajo sjell një pasqyrë vizuale të zhvillimeve në Kosovë gjatë më shumë se dy dekadave të fundit.

Në fokus të ekspozitës është edhe roli i KFOR-it në vendosjen dhe ruajtjen e paqes në Kosovë pas vitit 1999.

Hapja e ekspozitës do të bëhet më 12 qershor 2026 (e premte), në orën 16:00, në hollin e ekspozitave të Bibliotekës Kombëtare të Kosovës në Prishtinë.