Mark Rutte shefi i ardhshëm i NATO-s, pasi siguroi mbështetjen edhe të Rumanisë

Mark Rutte me siguri do të jetë sekretari i përgjithshëm i ardhshëm i aleancës së NATO-s, pasi 32 anëtarë të Aleancës ranë dakord dhe mbështetën kryeministrin holandez në largim për të pasuar Jens Stoltenberg.

Pas miratimit të Hungarisë dhe Sllovakisë të martën, Rumania konfirmoi mbështetjen e saj për Rutte të enjten, me presidentin rumun Klaus Iohannis që tërhoqi ofertën e tij për postin e lartë në NATO.

Rutte do të marrë drejtimin e aleancës së NATO-s në një moment kritik. Mandati i tij ka të ngjarë të fillojë më 2 tetor, pak më shumë se një muaj para zgjedhjeve në SHBA, të cilat do të përcaktojnë fatin e aleancës ushtarake.

Ish-presidenti i SHBA-së, Donald Trump, kandidati aktual republikan, ka premtuar të qëndrojë në NATO, por ka kërcënuar se do të shkurtojë ndihmën e SHBA-së për Ukrainën nëse ai rizgjidhet.

Vëzhguesit, megjithatë, besojnë se Rutte është një lloj “pëshpëritësi i Trumpit”, falë aftësisë së tij për të bërë marrëveshje me politikanë me prejardhje të ndryshme dhe Trumpi madje e ka komplimentuar Rutte në të kaluarën.