Federata turke me dënime të rënda për Trabzonsporin, pas kaosit dhe sulmit ndaj lojtarëve të Fenerbahçes
Federata e Futbollit e Turqisë më në fund vendosi për kaosin pas ndeshjes mes Trabzonsporit dhe Fenerbahçes, pasi tifozët vendas vrapuan në fushë dhe sulmuan mysafirët nga Stambolli.
Në mesin e muajit mars, skena të vërteta ‘horror’ u regjistruan në ndeshjen mes Trabzonit dhe Fenerbahçes. Mysafirët po festonin një triumf të rëndësishëm dhe teksa ishin ende në fushë, tifozët vendas e çanë gardhin dhe filluan t’i sulmojnë lojtarët.
Tifozët e Trabzonsporit u vërsulën në fushë për të ndërprerë festën e lojtarëve të Fenerbahçes, por fatmirësisht askush nuk u lëndua, edhe pse tifozët vendas mbanin armë të ftohta.
Më së keqi u godit portieri kroat Dominik Livakoviq, i cili u godit me grusht në kokë, ndërsa shoku i tij i skuadrës Michy Batshuayi u pa teksa shpërndau disa shqelma.
Tani më në fund janë marrë vendimet për këtë incident. Trabzonspori është dënuar rëndë nga Federata e Futbollit të Turqisë.
Trabzonspori është gjobitur me gjashtë ndeshje pa tifozë, që do të jetë një goditje e rëndë për ta, por duhet të paguajë edhe një gjobë prej tre milionë e 112 mijë lirash ose rreth 90 mijë euro.
Lojtarët Jayden Oosterëolde dhe Irfan Can Egribayat u pezulluan për nga një ndeshje, si dhe ndihmës trajneri i Trabzonit, Egemen Korkmaz, gjithashtu me një ndeshje.
Ajo që është interesante është se lojtari i Fenerbahçes, Bright Osayi-Samuel nuk u ndëshkua, edhe pse u përlesh me tifozët e Trabzonsporit. Aleanca funksionoi në favor të tij, duke gjykuar se ai bëri gjithçka në vetëmbrojtje. /Telegrafi
ë Trabzonspor-Fenerbahçe maçënën PFDK kararlarë açëklandë!
— 343 Digital (@343_digital) April 3, 2024
ë Trabzonspor'a 6 maç seyircisiz oynama ve 3 milyon 112 bin ë para cezasë verildi!
ë Bright Osayi-Samuel'e ceza verilmedi.
ë Jayden Oosterwolde ve ërfan Can Eëribayat'a 1'er maç ceza verildi.
ë Egemen Korkmaz'a… pic.twitter.com/X4mcX87rE8