KQZ tregon se të gjitha vendvotimet janë hapur me sukses [video]

Komisioni Qendror i Zgjedhjeve ka dalë në konferencën e parë për medie në ditën e sotme të zgjedhjeve.

Valmir Elezi, zëdhënës i KQZ-së, ka treguar se janë hapur të gjitha vendvotimet në kohë.

“Janë hapur të gjitha vendvotimet në 21 komunat ku do të mbahet raundi i dytë i zgjedhjeve”, ka thënë Elezi.

Ai ka treguar se do të ketë disa konferenca për medie, që do të përfundojnë me atë të orës 19:30. Kurse, sa i përket rezultateve preliminare, Elezi ka thënë që do të komunikohet me kohë.

“Ju bëjmë thirrje qytetarëve që të dalin dhe të shfrytëzojnë të drejtën e tyre për votim”.