AAK-ja, pa vërejtje për procesin zgjedhor

AAK-ja ka thënë se procesi zgjedhor po shkon pa probleme që mund të cenonin atë.

Anëtarja e Kryesisë së AAK-së, Vasilika Zotaj-Asllani, në një konferencë për media tha se, sipas raportimeve nga terreni, nuk ka pasur probleme të dukshme në procesin zgjedhor, raporton Zeri.info.

“Nga komunikimet e vazhdueshme me shtabet e AAK-së nëpër komuna kemi konstatuar se procesi i votimit është i rregullt dhe nuk ka probleme të dukshme, të cilat mund të cenojnë këtë proces”, tha Asllani.

Ajo shtoi se edhe këtë herë qytetarët e Kosovës e konfirmuan atë që po kthehet tani në traditë, “që qytetarët tanë dinë të kenë një qasje demokratike ndaj gjithë procesit zgjedhor”. /Zëri