Ismaili përmbyll fushatën: Faleminderit dhe votoni për Prishtinën që na bashkon

Kandidati i PDK-së për kryetar të Prishtinës, Uran Ismaili ka përmbyllur sot fushatën zgjedhore.

Përmes një videoje në Facebook, Ismaili ka falënderuar Prishtinën për përvojën në këtë fushatë.

“Prishtinë falemnderit nga zemra për përvojën e jashtëzakonshme të kësaj fushate. Ju falënderoj për idetë, mesazhet mbështetëse, ju falënderoj që më ftuat në shtëpitë tuaja, që më besuat!”, tha ai.

Ismaili thotë se tani është koha për të vënë gjithë këtë energji në mbështetje më 17 tetor.

Ai ka kërkuar nga qytetarët që të votojnë atë për Prishtinën.

“Ju falënderoj që i bëtë pesë muajt e fundit, më të mirët e jetës sime. Tani është koha për ta vënë gjithë këtë entuziazëm, këtë energji e këtë shpresë në mbështetje me 17 Tetor. Të dielën voto 177, voto për Prishtinën që na bashkon! Prishtinë, ma gjallë, ma gjallë!”, tha Ismaili. /Zëri