Mehmeti me Pacollin vizitojnë Hajvalinë: Do t’i asfaltojmë 45 rrugë e rrugica

Kandidati i AKR-së për kryetar të Prishtinës, Gëzim Mehmeti, është takuar sot me kreun e partisë së tij, Behgjet Pacolli.

Gjatë këtij takimi të zhvilluar në Hajvali, dyshja kanë shpalosur investimet të cilat pritet të bëhen mandatin e ardhshëm, nëse i fitojnë zgjedhjet.

“I kënaqur kur vlerësohet mundi dhe puna ime 4-vjeçare nga Presidenti Behgjet Pacolli :“Gëzimi është që nga themelimi dhe ka pasuruar AKR-në me idetë dhe punën e tij, si dhe është njeriu me adekuat për të udhëhequr Prishtinën”. Në Hajvali bashkë me të shpalosëm punën e madhe që është bërë dhe investimet që do të bëhen në mandatin e ardhshëm. Vetëm në Hajvali kemi asfaltuar 45 rrugë e rrugica dhe aq do të bëjmë mandatin tjetër. Është dizajnuar unaza e jashtme e qytetit me 4 korsi që do të lehtësojë trafikun për hyrjet - daljet në Prishtinë. Unë punoj dhe veproj!”, ka thënë Mehmeti. /Zëri