Elezi: Numërimi i votave në vendvotime ka përfunduar të dielën në mbrëmje

Komisioni Qendror i Zgjedhjeve (KQZ) ka bërë të ditur se janë numëruar rreth 99% e fletëvotimeve nëpër vendvotime.

Zëdhënësi i KQZ-së, Valmir Elezi, sot ka thënë se mbrëmë ka përfunduar numërimi i fletëvotimeve në vendvotime dhe kanë mbetur vetëm edhe 46 vendvotime nga 2336 pa u procesuar në faqen online të rezultateve.

“Numërimi i fletëvotimeve në vendvotime ka përfunduar të dielën në mbrëmje. Deri më tani në uebfaqe janë transmetuar rezultatet nga 2336 vendvotime, ose rreth 99%. Kanë mbetur pa u procesuar vetëm 46 vendvotime, të dhënat e të cilave do të ngarkohen gjatë ditës”, ka thënë Elezi, transmeton “Zeri.info”.

Sipas rezultateve në faqen e KQZ-së, deri tani janë numëruar 98,25% të votave, ndërsa prin Vetëvendosja me 48,1%, PDK-ja 17,35%, LDK-ja 13,18% dhe AAK-ja 7,42%. /Zëri