Kurti: Pas zgjedhjeve, vendosja e reciprocitetit me Serbinë do të jetë çështje ditësh apo javësh

Kandidati për kryeministër nga Lëvizja Vetëvendosje, Albin Kurti, ka thënë se reciprocitet është parim i shëndosh i raporteve ndërkombëtare.

Sipas tij nuk do të duhej të ishte diçka e pazakonshme vendimi për vendosjen e reciprocitetit.

“Ndoshta e ka bërë të pazakonshëm këtë gjë, fakti që kjo qeveri që po ik veprimin e parë që bëri ishte heqja e reciprocitet me 6 tetor”, tha Kurti në “debat Plus”.

I pyetur se kur do ta vendoste reciprocitetin nëse do të fitonte zgjedhjet, Kurti është përgjigjur:

“Është çështje ditësh apo javësh e kurrsesi muajsh. Nuk e di se cila do të jetë sekuenca por është ndër gjërat e para që do ta bëjmë”.

Kandidati për kryeministër nga Lëvizja Vetëvendosje thotë se dialogu nuk është prioritet i qytetarëve të Kosovës.

“Dialogu nuk do të jetë as prioritet i qeverisë sonë. Drejtësia dhe punësimi do të jetë prioriteti ynë”, tha ndër të tjera Albin Kurti./Telegrafi