Enver Hoxhaj publikon një video: Një rrugëtim që në themel ka dashurinë për Kosovën

Kandidati për kryeministër nga PDK-ja, Enver Hoxhaj, ka publikuar një video, përmes së cilës ka treguar mbështetjen që ka marrë këto ditë të fushatës nga të gjithë simpatizantët e PDK-së.

Hoxhaj ka treguar për tubimet që i ka mbajtur në komunat e Kosovës dhe fshatrat e tyre përmes kësaj videoje emocionuese.

“PDK-ja e fortë e bën Kosovën më të fortë. Dilni dhe votoni më 14 shkurt, votojeni Partinë Demokratike të Kosovës. Këtu e keni UÇK-në, këtu e keni për atë që ka luftuar Hashim Thaçi dhe Kadri Veseli”, ka thënë Hoxhaj në njërin nga tubimet, i cili shihet edhe në këtë video.

“Ju ftoj që ta mbani në mend një numër në këto zgjedhje, 134, i cili është shumë i rëndësishëm se ku do të jetë Kosova jo vetëm me 14 shkurt dhe 15 shkurt, por ku do të jetë Kosova edhe 2030”, ka thënë Hoxhaj. /Zëri