Kurti dhe Osmani nisin fushatën në Pejë, paralajmërohet pranverë historike

Kreu i LVV-së dhe u.d e presidentes, Vjosa Osmani kanë hapur fushatën e tyre në Pejë.

Para mediave, Kurti ka theksuar se në Pejë kanë vizituar fabrikën Gacaferri, Sedefi dhe Arta Texin, teksa thotë se qytetarët pejan janë të vendosur për ndryshime, raporton Zeri.info

Ai u shpreh se sot ka marrë mot i mirë dhe sipas tij duke që kjo fushatë e paralajmëron pranverën e vitit 2021

“Do ta dokumentojmë më votën e lirë të qytetarëve si shumicë. Ne e kemi një tubim të hapjes në Prishtinë, sot në orën 19:30. Jemi këtu në Pejë në këtë qytet të bukur që i ka dhënë aq shumë edhe luftës çlirimtare, paqes në Kosovë, dhe artit e shkencës. Dhe vizituam fabrikën Gacaferri pastaj atë Sedefi dhe Arta Texin dhe këtu në shesh do të takojmë qytetarët pejan që po ashtu masivisht janë të vendosur për ndryshime dhe do të ketë pjesëmarrje rekord të popullsisë në përgjithësi përfshirë edhe Pejën në zgjedhjet e 14 shkurtit. Po na merr moti shumë i mirë dhe duket që kjo fushatë e paralajmëron pranverën e vitit 2021”, tha ai.

Nga gazetarët është pyetur se si e komenton gjestin e KQZ-së për numrin në listën e e LVV-së. Ai theksoi se janë 110 kandidatë në listë dhe se sipas tij ka pengesa e vështirësi por asnjë i atillë që nuk do ta tejkalojë.

“Ne e kemi listën tonë me 110 kandidatë ka pengesa e vështirësi të ndryshme por asnjë të atillë që nuk do ta tejkalojmë”, tha Kurti.

Ndërkaq, u.d e presidentes, Vjosa Osmani ka thënë se me 14 shkurt do të jetë një referendum që do ta ndryshojë jetën e qytetarëve për më mirë.

“Qytetarët e Pejës po na jepin vullnet që me 14 shkurt të jetë një referendum që do ta kthej Kosovën për së mbari dhe ta ndryshojë jetën e qytetarëve për më mirë” tha ajo. /Zëri