“Me çlirimtarët”, sllogani i Nismës për zgjedhjet e 14 shkurtit

Nisma Socialdemokrate ka bërë të ditur slloganin me të cilin do të garojë në zgjedhjet e 14 shkurtit, raporton Zeri.info.

“Me çlirimtarët”, është sllogani i zgjedhur nga kjo parti.

Kreu i Nismës, Fatmir Limaj theksoi se “Me çlirimtarët” është ajo që e definon Kosovën.

“UÇK nuk është e kaluara, është themeli i shtetit. Ne jemi krenar me këtë trashëgimi dhe do ta mbrojmë atë. Me Çlirimtarët- këta jemi ne, kjo është ajo që na definon”, ka shkruar Limaj në “Facebook”.

Përveç Nismës, edhe disa nga partitë tjera në vend si LVV-ja, PDK-ja, LDK-ja dhe AAK-ja kanë publikuar slloganet e tyre për zgjedhjet e 14 shkurtit. /Zëri