Grenell flet pas përfundimit të Konferencës së Munihit
I dërguari i Posaçëm i Shtëpisë së Bardhë për dialogun me Serbinë, dhe njëkohësisht ambasadori i SHBA’së në Gjermani, Richard Grenell, ka postuar në Tuitter pas përfundimit të Konferencës së Sigurisë që u mbajt në Munih.
Grenell ka thënë se këto katër ditë kanë qenë intensive dhe me plotë takime me liderë botërorë.
I just finished 4 days of non-stop international meetings at the Munich Security Conference and only have one thought: America is the greatest country in the world.
— Richard Grenell (@RichardGrenell) February 16, 2020
“Sapo përfundova katër ditë me takime ndërkombëtare të pafundme në Konferencën e Sigurisë në Munih dhe pas kësaj kam vetëm një mendim: Amerika është shteti më i madh në botë”, ka shkruar Grenell në rrjetin social.
Grenell i takon Partisë Republikane në SHBA dhe njihet si përkrahës i madh i presidentit, Donald Trump.
Ai është dërguar nga Shtëpia e Bardhë në SHBA me detyrë speciale për të marrë pjesë në dialogun Kosovë-Serbi.
Grenell është takuar para disa javëve me liderët e Kosovës, të cilët ishin të pranishëm në Munih.
Presidenti i Kosovës, Hashim Thaçi, kryeministri, Albin Kurti, dhe Ministri i Punëve të Jashtme, Glauk Konjufca, kanë qenë pjesë e punimeve të kësaj Konference.
Vlen të përmendet se Grenell, si njërin ndër vendimet e tij të para pas përfshirjes në dialog, ka kërkuar që të hiqet taksa ndaj produkteve serbe dhe boshnjake. Po ashtu, ai ka luajtur rol të rëndësishëm në arritjen e marrëveshjes për krijimin e linjës ajrore Prishtinë-Beograd dhe marrëveshjen për hapjen e hekurudhave që lidhin të dy shtetet.