Miratohet rezoluta për transformimin e FSK-së në FAK

Deputetët e Kuvendit të Kosovës i kanë dhënë mbështetje rezolutës së propozuar nga deputeti i AAK-së Daut Haradinaj për themelimin e Forcave të Armatosura.

Të pranishëm ishin 68 deputetë të cilët votuan pro propozimit të Haradinajt për Forcat e Armatosura.

Kjo Rezolutë bënë thirrje për themelimin sa më të shpejt të Ushtrisë së Kosovës, pra transformimin e FSK-së në FAK.

Gjithsej kjo rezolutë përmban dy pika si në vijim:

1. Qeveria e Kosovës autorizohet që sa më parë të koordinoj dhe të procedoj në Kuvendin e Kosovës për miratim Strategjinë për transformim të Forcave të Sigurisë së Kosovës në Forca të Armatosura të Kosovës.

 2. Duke shprehur përkushtimin e palternativë për integrimin në Organizatën e Paktit VeriAtlantik NATO, Kuvendi i Kosovës, Qeveria e Kosovës dhe mekanizmat institucional të bashkërendojnë angazhimin për harmonizimin e përpjekjeve të përbashkëta me NATO-n dhe SHBA-në për zhvillimin e kapacitetve opreacionale konform mandatit të ri të Forcave të Armatosura të Kosovës.