Lista me 100 mjekët nën hetime
Gazeta “Zëri” publikon listën ekskluzive të Prokurorisë, në të cilën janë emrat e rreth 100 mjekëve, kryesisht kardiologë, dhe shumat e parave që besohet se ata i kanë marrë për dërgim të pacientëve nga spitalet publike në ato private
Ministri i Ambientit, Ferid Agani, është njëri nga të dyshuarit e Prokurorisë, në rastin “Stentat”. I dyshuar është edhe sekretari i Ministrisë së Shëndetësisë, Gani Shabani.
Ndërkohë, në listën e Prokurorisë janë edhe emra të personave juridikë, udhëheqës të spitaleve private, të cilët besohet se janë përfshirë në dhënie të ryshfetit, me qëllim që në spitalet e tyre të referohen pacientë nga sektori publik për t’iu kryer procedurave të koronarografisë dhe stentimit.
Udhëheqësit e spitalit “Intermed”, Lulzim Brovina dhe Borche Petrovski, sipas dëshmive të Prokurorisë, në bashkëpunim me njëri-tjetrin u kanë dhënë ryshfet një numri të madh të të pandehurve, të cilët në cilësi të mjekëve rekomandonin dhe i dërgonin pacientët nga institucionet publike shëndetësore në spitalin privat “Intermed SHPK”. “Si shpërblim, u jepnin shpërblim dhuratë nga 500 euro për çdo pacient që e dërgonin për vendosjen e stentave, ndërsa për koronarografi të një pacienti nga 150 euro”, thuhet në dosjen e Prokurorisë që e posedon “Zëri”.
Brovina, Petrovski dhe Blerim Zuna, po ashtu, nga janari i vitit 2011 e deri më 31 dhjetor 2015, duke punuar në institucionin e palicencuar shëndetësor “Intermed SHPK”, dhe duke punuar vetë si mjekë të palicencuar në këtë institucion, kanë trajtuar pacientë duke përdorur mjete dhe metoda të papërshtatshme të mjekimit dhe me këtë kanë shkaktuar keqësimin e gjendjes shëndetësore dhe për një numër të personave dhe vdekjen e tyre, e për çka nuk ishin kryer fare obduksionet.
Mjekët që referuan pacientë përfituan nga 75 deri në 21985 euro
Për të njëjtin veprim, Prokuroria i pandeh edhe drejtorin e Spitalit “International Medicine Hospital” (IMH), Ali Hocaoglu dhe kardiologët Mahmut Çakmak dhe Shpend Elezi.
Nga raport i laboratorit për ekzaminimin e kompjuterëve rezulton se nga “Intermed”, mjekët që punonin në institucionet publike e që dërgonin pacientë në atë spital privat kishin marrë ryshfet këto shuma të të hollave:
Nexhmi Zeqiri 3100 euro, Shemsedin Shabollari 3050 euro, Ismail Avdimetaj 1150 euro, Sali Shala 900 euro, Masar Gashi 1000 euro, Luan Pozhari 150 euro, Ferihane Sefa 100 euro, Gëzim Lipoveci 300 euro, Arsim Kabashi 400 euro, Reze Koshi 450 euro, Rexhep Hapqiu 400 euro dhe Flamur Qarkaxhija 300 euro.
Sipas të njëjtit raport, mjekët që punonin në institucionet publike, për referim të pacientëve në “International Medicine Hospital”, kishin marrë ryshfet këto shuma të të hollave:
Gani Bajraktari 21985 euro, Nexhmi Zeqiri, 4750 euro, Daut Gorani 1125 euro, Elfedin Muhaxheri 7850 euro, Lulzim Kamberi 3100 euro, Reshat Emra 2535 euro, Murat Abazi 1500 euro, Sami Gjoka 3950 euro, Faik Shatri 5150 euro, Rexhep Manaj 2150 euro, Bedri Zaiti 2850 euro, Hamza Selmani 3250 euro, Ejup Pllana 3450 euro, Banush Gashi 2500 euro, Ismail Avdimetaj 1935 euro, Agim Koci 2085 euro, Rexhep Panxhaj 1785 euro, Aferdita Selmanaj 1200 euro, Luan Pozhari 850 euro, Sali Shala 1650 euro, Nehat Rexhep 6250 euro, Florim Sadiku 3850 euro, Ferid Susuri 2250 euro, Halim Halili 2520 euro, Qazim Avdimetaj 1335 euro, Agim Krasniqi 4300 euro, Ferihane Sefa 1200 euro, Agron Besimi 900 euro, Ahmet Ademi 1500 euro, Petrit Ademaj 780 euro, Begush Cana 1500 euro, Bajram Mziu 850 euro, Nexhmedin Sadiku 1200 euro, Binaze Abdullahu 1350 euro, Agron Leka 1650, Osman Ramadani 1150 euro, Reshat Sokoli 1200 euro, Hajdin Çitaku 830 euro, Afrim Bekteshi 650 euro, Driton Miftari 850 euro, Masar Gashi 600 euro, Vjollca Hashani 600 euro, Elez Elezi 1300 euro, Gyner Elezi 2150 euro, Irfan Daullxhiu 900 euro, Riza Abdullahu 1050 euro, Edmond Haliti 75 euro, Mehmet Skeraj 600 euro, Besnik Koliqi 600 euro, Sylë Nikçi 1050 euro, Fatbardh Ramadani 600 euro, Mehmedali Hajdari 750 euro, Galina Berisha 750 euro, Ali Hoti 600 euro, Ibrahim Opoja 900 euro, Vjollca Selmani 300 euro, Jashar Ramadani 550 euro, Lazer Prekpalaj 450 euro, Luan Rexhboga 450 euro, Halil Hamza 900 euro, Ideal Jaka 150 euro, Sharr Veshbishti 450 euro, Behxhet Shaqiri 450 euro, Ibrahim Lepaj 550 euro, Suat Haliti 450 euro, Muhamet Berisha 150 euro, Gani Berisha 150 euro, Hamza Berisha 150 euro, Feti Hetemi 450 euro, Zeqe Kuqi 900 euro, Afrim Poniku 450 euro, Rafil Belallari 900 euro, Zahrije Jusufi 900 euro, Nuredin Myftari 450 euro, Abedin Salihu 150 euro, Halim Hajdari 150 euro, Bekim Mala 300 euro, Bujar Demiri 300 euro, Dërgut Ademi 600 euro, Drita Gjurgjealo 300 euro, Enver Murtezi 300 euro, Besim Zogaj 300 euro, Besim Guda 300 euro. Këto shuma të parave këtyre mjekëve iu kishin dhënë të pandehurit Ali Hocaoglu, Astrit Bakiqi, Abdullah Tuna, Driton Sylejmani.
Prokuroria pandeh se ekziston dyshimi i bazuar se Nexhmi Zeqiri, Shemsedin Shabullari, Lulzim Kamberi, Ismail Avdimetaj, Sali Shala, Masar Gashi, Luan Pozhari, Ferihane Sefa, Gëzim Lipoveci, Arsim Kabashi, Reze Koshi, Rexhep Hapqiu, Flamur Qarkaxhia, Ferid Susuri, Ismail Avdimetaj, Masar Gashi, Rexhep Manaj, Fisnik Hima, Luan Rexhëbogaj, Agron Besimi, Refki Bytyqi, Faik Hima, Kelmend Pallaska, Hedvig Kadriu, duke vepruar si persona zyrtarë në pozitën e mjekut në institucionet publike shëndetësore kanë keqpërdorur pozitën dhe autoritetin zyrtar dhe kanë marrë ryshfet, pasi kanë referuar pacientët nga spitali publik në spitalin “Eda”, duke përfituar nga 500 euro për stentim kurse 150 euro për koronarografi.
Kryeprokurori takoi përfaqësuesit e sindikatës së shëndetësisë
Ndërkohë, të enjten, kryeprokurori i Shtetit Aleksandër Lumezi, bashkë me prokurorin e rastit “Stenta” Besim Kelmendi, ka pritur në takim përfaqësues të Federatës Sindikale të Shëndetësisë së Kosovës.
Kryeprokurori Lumezi gjatë këtij takimi fillimisht i njoftoi të pranishmit me kompetencat ligjore dhe kushtetuese që ka Prokurori i Shtetit, duke theksuar se Prokurori i Shtetit kujdeset të sigurojë trajtim të barabartë objektiv dhe pa paragjykime për të gjithë qytetarët e vendit, pa marrë parasysh se çfarë funksione ose profesione kanë dhe nuk do të pranojë kurrfarë ndikimi, ndërhyrje apo tentativa për të penguar punën e Prokurorit të Shtetit në fazën e kryerjes së funksioneve prokuroriale në hetime penale, pa paragjykuar epilogun e hetimeve.
Lumezi gjithashtu njoftoi se Prokuroria do të ftojë të gjithë mjekët e dyshuar, që janë të përfshirë në hetime, që të japin deklaratat e tyre, të sqarojnë dyshimet që iu vihen në barrë dhe për të paraqitur mbrojtjen e tyre lidhur me ato dyshime. Përfaqësuesit e Federatës Sindikale të Kosovës, falënderuan kryeprokurorin Lumezi, për bashkëpunimin e ofruar, duke shtuar se nuk kanë asnjë interes që të ndërhyjnë në hetimin e këtij rasti dhe presin zhvillimin e hetimeve të drejta nga ana e Prokurorit të Shtetit.
