Kurti s’përgjigjet nëse po i pret zhvillimet në LDK për t’i rinisur bisedimet

Kryeministri në detyrë, Albin Kurti, nuk ka pranuar t’u përgjigjet pyetjeve të gazetarëve nëse është duke pritur që Lidhja Demokratike e Kosovës (LDK) të mbajë Kuvendin e jashtëzakonshëm, para se të nisin diskutimet për formimin e institucioneve të reja.

Kurti është pyetur nëse zhvillimet e brendshme në LDK, duke përfshirë thirrjen e Kuvendit të jashtëzakonshëm, janë pjesë e pritjes së tij përpara se të nisë diskutimet politike për formimin e institucioneve, por nuk ka dhënë përgjigje.

LDK-ja ditëve të fundit është përfshirë në një proces të brendshëm pas kërkesës për thirrjen e Kuvendit të jashtëzakonshëm, ndërsa zyrtarë të kësaj partie kanë bërë të ditur se aktualisht janë duke u zhvilluar procedurat për verifikimin e nënshkrimeve dhe delegatëve. /EO