Krijohen kolona rreth 3.5 kilometra në dalje të Kosovës drejt Shqipërisë
Aktuale
July 04, 2026 - 10:30
Qendra Kombëtare për Menaxhim Kufitar (QKMK) ka njoftuar se në orët e hershme të mëngjesit janë krijuar kolona të gjata automjetesh në dalje të Republikës së Kosovës, në drejtim të Shqipërisë.
Sipas njoftimit, nga ora 04:00 e në vazhdim, kolonat kanë arritur deri në rreth 3.5 kilometra.
QKMK bëri të ditur se pritjet janë shkaktuar pasi autoritetet shqiptare janë duke regjistruar hyrjen e qytetarëve në territorin e Republikës së Shqipërisë.
“Për më shumë informacione kontaktoni QKMK në numrat 045 198 000 dhe 045 198 606”, thuhet në njoftimin e Qendrës Kombëtare për Menaxhim Kufitar.
