Haxhiu takon shefin e EULEX-it, flasin për zhvillimet aktuale në vend

Kryetarja e Kuvendit të Kosovës, Albulena Haxhiu ka pritur në takim shefin e EULEX-it, Giovanni Pietro Barbano.

Në njoftim bëhet e ditur se gjatë takimit u diskutuan zhvillimet aktuale në vend, me theks të veçantë në sundimin e ligjit, funksionimin e institucioneve dhe rëndësinë e bashkëpunimit të vazhdueshëm ndërmjet institucioneve të Kosovës dhe EULEX-it.

Tutje bëhet e ditur se në këtë takim u rikonfirmua përkushtimi i përbashkët për forcimin e shtetit të së drejtës dhe për avancimin e proceseve që kontribuojnë në stabilitetin institucional dhe në rritjen e besimit të qytetarëve.