Mishetiq: Prokuroria po tenton t’i hedhë poshtë dëshmitë e ndërkombëtarëve

Avokati i Hashim Thaçit, Luka Mishetiq, po vazhdon me deklarimin e fjalëve përmbyllëse në Hagë.

Ai përmendi dëshmitë e ndërkombëtarëve si James Rubin dhe Wesley Clark, që sipas tij tregojnë se ish-presidenti nuk ka kryer krimet për të cilat akuzohet.

Mishetiqi përmendi edhe dëshmitë e diplomatëve ndërkombëtarë, të cilët kanë deklaruar se Thaçi, përkundrazi, ka bërë thirrje kundër dhunës.

“Thaçi nuk ishte person që mund të kryente dhunë”, citoi avokati dëshmitë e ndërkombëtarëve që ishin thirrur nga mbrojtja e Thaçit.

I shtoi se Prokuroria po tenton të hedhë poshtë dëshmitë e tyre.

“Pretendimet e ZPS-së se ndërkombëtarët nuk ishin të informuar saktë, është karakteristikë e veçantë duke marr parasysh mënyrën e centralizuar të komunikatave të UÇK-së dhe intervistat në televizione”, tha Mishetiqi.

“Provat dhe dëshmitë e këtyre dëshmitarëve ndërkombëtarë, rikonfirmohen fuqishëm nga zyrtarë të lartë të UÇK-së”, u shpreh avokati.