Në Kuvend, Kurti e pret Von der Leyenin
Aktuale
October 15, 2025 - 14:14
Ka filluar takimi i presidentes së Komisionit Evropian, Ursula von der Leyen, me kryeministrin në detyrë të Kosovës, Albin Kurti.
Takimi po zhvillohet në objektin e Kuvendit të Kosovës dhe jo në zyrat e Qeverisë, ku zakonisht kryeministri Kurti pret zyrtarët e lartë ndërkombëtarë.
Më herët, Ursula von der Leyen ka zhvilluar takim edhe me presidenten e Republikës së Kosovës, Vjosa Osmani.
Deri më tani nuk është bërë e ditur nëse pas këtyre takimeve presidentja e KE-së do të mbajë ndonjë konferencë për media.
