Shefja e KE-së nis vizitën në Kosovë, pritet nga Osmani

Presidentja e Komisionit Evropian, Ursula von der Leyen, ka arritur në Prishtinë.

Ajo është pritur nga presidentja e Republikës së Kosovës, Vjosa Osman,i me të cilën është duke zhvilluar takim.

Pas këtij takimi, presidentja e Komisionit Evropian, Ursula von der Leyen, pritet të takohet edhe me kryeministrin në detyrë, Albin Kurti. Takimi mes tyre do të mbahet në objektin e Kuvendit të Kosovës dhe jo në zyrat e Qeverisë.

Deri më tani, nuk është bërë e ditur nëse pas këtyre takimeve do të mbahet ndonjë konferencë për media.

Vizita aktuale shënon të parën të Von der Leyen në rajon gjatë mandatit të saj të dytë si presidente e Komisionit Evropian.