Kurti mori pjesë në ceremoninë e ndërrimit të komandës së KFOR-it
Aktuale
October 03, 2025 - 14:29
Kryeministri në detyrë i Kosovës, Albin Kurti, mori pjesë në ceremoninë e ndërrimit të komandës së misionit paqeruajtës të NATO-s në Kosovë, KFOR-it.
Në një komunikatë për media, nga Zyra për Informim e Kryeministrit bëhet e ditur se ceremonia e ndërrimit të komandës u mbajt në shtabin e KFOR-it në Prishtinë, ku komandanti i deritanishëm, gjeneralmajori Enrico Barduani, bëri kalimin e detyrës zyrtare te gjeneralmajori Ozkan Ulutash.
“Kjo është hera e dytë që gjeneralmajori Ozkan Ulutash merr komandën e KFOR-it në Kosovë”, thuhet në komunikatë.
