“Shoqëria në Kosovë ishte e shkatërruar”, Rubini flet për vizitat në Kosovë pas luftës

Ish-ndihmëssekretari amerikan i Shtetit, James Rubin, po vazhdon dëshminë në Gjykatën Speciale në Hagë.

Rubini tha se shoqëria në Kosovë ka qenë e shtypur për dhjetëra vjet.

Ai para prokurorit deklaroi se janë mundur t’i bindeshin qytetarët në Kosovë, që të mos hakmerreshin për vrasjet që kishin ndodhur.

“Në dhjetëra udhëtime që kam bërë në Kosovë në këto vite, kam krijuar një përshtypje të fuqishme së 90 për qind e këtyre njerëzve, kanë qenë të shtypur për dhjetëra vite. Nuk kishin Qeveri të organizuar, nuk kishin polici të organizuar, nuk kishin ushtri të organizuar. Dhe ata që kishin autoritet moral, në një shoqëri të shtypur si kjo, ishin ata që mund të kishin më shumë ndikim, për të bindur familjet për të mos u përfshirë në hakmarrje. Mënyra më efikase për të parandaluar hakmarrjen ishte që këto autoritete morale të bëjnë thirrje te familjet që kishin humbur motrat, vëllezërit në vrasjet masive, të mos hakmerreshin. Dhe në këtë shoqëri, autoriteti moral është jashtëzakonisht I rëndësishëm sesa autoriteti i personave që marrin vendime. Kjo është përvoja ime në shumë zona të luftës”, deklaroi Rubini.

Ai tha se në atë kohë edhe Hashim Thaçi, i cili udhëhiqte me një parti, bënte thirrje qytetarëve të mos krijohet dhunë politike.