Mbi 600 mësimdhënës e kanë lënë Kosovën këtë vit
Aktuale
August 31, 2025 - 18:46
Një pjesë e madhe e kosovarëve janë duke lënë vendin e tyre për të shkuar në shtetet e Perëndimit.
Në mesin e këtyre qytetarëve janë edhe mësimdhënësit.
Nënkryetari i SBASHK-ut, Ymer Ymeri, ka pohuar se mbi 600 mësimdhënës kanë lënë vendin për të shkuar në Evropë gjatë vitit shkollor 2024/2025.
“Sa i përket çështjes së ikjes, edhe mësimdhënësit, sikurse pjesa tjetër e popullatës, janë duke e lëshuar vendin e punës. Madje, kemi edhe drejtorë shkollash”, tha ai në Klan Kosova.
“Nuk kemi shifra të sakta, por numri është mbi 600 që kanë lëshuar vendin për të migruar. Kjo shifër është deri në përfundimin e vitit shkollor 2024/2025. Por tani, gjatë pushimeve, ky numër mund të rritet edhe më shumë”, tha Ymeri.
