18-vjetori i vrasjes së Trium Rizës, Sveçla: Sekiraqa është larg duarsh tona, por do të vjen momenti kur e kapim

Xhelal Sveçla, deputet i Vetëvendosjes, ka goditur sistemin e drejtësisë për ikjen e Enver Sekiqarës nga burgu, në ditën përkujtimore të 18 vjetorit të vrasjes së Triumf Rizës.

Pyetur për ikjen e Sekiraqës, Sveçla tha se Qeveria po bën “çka është e mundur” pë ta rikapur, por se i njëjti nuk është në Kosovë. 

“Dështim eklatant të drejtësisë, duke i mundësuar kryekriminelit t’i ik dorës së drejtësisë. Qeveria po bën krejt çka ësjtë e mundshme të sillet para drejtësisë. Pastaj të tjerët të përmbushin obligimet ligjore. Ai është larg duarve tona sepse nuk ndodhet në Kosovë, por do të vjen ai moment”, tha Sveçla.