PDK-ja nuk e voton asnjë kandidat që ka qenë pjesë e Qeverisë

PDK-ja po vazhdon të mbajë qëndrimin për të mos votuar asnjë kandidat për kryetar të Kuvendit, i cili ka qenë pjesë e qeverisë “Kurti”.

Këtë e tha sot deputeti i PDK-së, Rashit Qalaj, i cili tha se për kandidat të tjerë do të shohin se si do të veprojnë.

“PDK-ja nuk voton askënd që ka qenë pjesë e Qeverisë së Kosovës, ndërsa për kandidatë të tjerë do të shohim”, tha Qalaj, transmeton Zeri.info.

I pyetur nëse do ta votonin Mimoza Kusari-Lilën, ai tha se PDK-ja është e hapur nëse LVV-ja bën hapa konkretë për ta krijuar shumicën parlamentare për të zgjedhur kryetarin e Kuvendit.

“Do të shohim si do të veprohet, së pari të shohim kush do të jetë kandidat, pastaj presim një iniciativë nga LVV-ja do të krijojë shumicën parlamentare, PDK-ja është e hapur”.

“I bëjmë thirrje që sa më shpejt të jetë e mundur të marrë hapa për të formuar institucionet”, tha Qalaj. /Zëri