Prattipati takohet me përfaqësues të Listës Serbe: Komuniteti serb të marrë pjesë plotësisht në punën e institucioneve të Kosovës

E ngarkuara me punë në Ambasadën e SHBA-së në Kosovë, Anu Prattipati, vazhdoi këtë javë takimet me partitë politike të Kosovës.

Prattipati ka takuar përfaqësues të Listës Serbe, ku ka theksuar se pjesëmarrja e gjerë nga të gjitha partitë e konsoliduara është thelbësore për të siguruar që çdo komunitet të ketë një zë në të ardhmen e Kosovës.

“Në diskutimin e saj me përfaqësuesit e Listës Serbe, ajo theksoi se pjesëmarrja e gjerë nga të gjitha partitë e konsoliduara është thelbësore për të siguruar që çdo komunitet të ketë një zë në të ardhmen e Kosovës. Prattipati gjithashtu nënvizoi rëndësinë që komuniteti serb i Kosovës dhe përfaqësuesit e tij të marrin pjesë plotësisht në punën e institucioneve të Kosovës. Vetëm përmes angazhimit aktiv mund të dëgjohen dhe të adresohen zërat, shqetësimet dhe nevojat e qytetarëve”, ka njoftuar Ambasada e SHBA-së. /Zëri