“I keni duart me gjak” - qytetarët të revoltuar ndaj Gjykatës së Gjilanit pas vrasjes së trefishtë
Aktuale
August 11, 2025 - 10:36
Në qytetin e Gjilanit qytetarët kanë shprehur revoltën e tyre pas vrasjes së trefishtë, që ndodhi të dielën e 10 gushtit.
Para ndërtesës së Gjykatës së Gjilanit dhe në muret e saj u vendosën mbishkrime të ndryshme nga qytetarët.
“I keni duart me gjak”, “Fajdexhia i fortë e gjykatës shumë”, “Qendra e fajdeve”, “Gjykata në shërbim të fajdexhive”, ishin disa nga mbishkrimet e vendosura.
Ky reagim vjen pas vrasjes së trefishtë dhe ngjarjeve tjera të dhunshme në Gjilan, që kanë tronditur thellë komunitetin dhe kanë ngjallur shqetësim të madh për sigurinë publike.
Institucionet e drejtësisë dhe policia janë nën presion të lartë për të zbardhur sa më shpejt rastin dhe për të garantuar që autorët të marrin dënimin meritor. /Telegrafi
