Minatori i “Trepçës” ndëshkohet pasi u kap duke fjetur gjatë orarit të punës
Aktuale
August 07, 2025 - 10:16
Kompania “Trepça” ka njoftuar se ka marrë masë disiplinore ndaj një punëtori, i cili është zënë duke fjetur gjatë orarit të punës.
Sipas Komisionit Disiplinor, kjo sjellje përbën shkelje të detyrave të punës, raporton Zeri.info.
Masa disiplinore e shqiptuar është ndalja e 30 për qind të pagës për pesë muaj.
“Kryeshefi ekzekutiv, më datë 07.08.2025, ka sjellë vendimin nr. prot. 6430, datë 07.08.2025, me të cilin ka shqiptuar masën disiplinore – dënim me para-gjobë në lartësi prej 30% të pagës mujore për një periudhë deri në 5 muaj ndaj A.A.”, thuhet në njoftim. /Zëri
