Ministri serb pëson goditje në tru gjatë intervistës live në emisionin e mëngjesit

Ministri serb Darko Glishiq ishte i ftuar në programin e mëngjesit të televizionit Pink kur papritmas u ndje keq.

Sipas mediave serbe, ai pësoi një goditje në tru dhe është në gjendje të rëndë.

Ministri i Investimeve Publike Darko Glishiq nuk mundi ta përfundonte intervistën, ndaj programi u ndërpre.

Glishiq është dërguar në spital, ku ka mbërritur edhe presidenti i Serbisë Aleksandar Vuçiq. Ndryshe, Glishiq konsiderohet si bashkëpunëtori më besnik dhe më i ngushtë i presidentit serb.