Një shqiponjë në Sanxhak, Amina Nuraj nuk dorëzohet

Vonë e kishte kuptuar se ishte shqiptare – por thellë, në çdo damar të saj, e ndiente që ishte një shqiponjë e vërtetë.

Sot Amina Nuraj është një nga zërat më të fuqishëm për të drejtat e shqiptarëve në Sanxhak: arkiviste e historisë, e dhimbjes dhe e krenarisë kombëtare.

Në një intervistë pa doreza për Klan Kosova, ajo zbulon se tashmë është edhe nuse e Kosovës.

“Po, jam fejuar në Mitrovicë, mirëpo nuk kam ndërmend të ndal asnjë aktivitet timin në Novi Pazar dhe Sanxhak”, u shpreh ajo.

Amina flet edhe për monitorimin dhe presionin nga policia serbe, që nuk përfshin vetëm atë, por pothuajse gjithë familjen e saj.

“Jemi të përcjellë gjatë gjithë kohës… në kufi gjithmonë më ndalin, më mbajnë me orë të tëra”, deklaroi Amina.