Osmani: Edhe pas tri dekadash, zëri i nënave të Srebrenicës mbetet thirrja më e fortë kundër harresës dhe padrejtësisë
Aktuale
July 11, 2025 - 11:47
Presidentja e Kosovës, Vjosa Osmani, ka kujtuar gjenocidin në Srebrenicë.
Osmani shkruan se edhe pas tri dekadash zëri i nënave të Srebrenicës mbetet thirrja më e fortë kundër harresës dhe padrejtësisë dhe se Kosova qëndron përkrah tyre.
Shkrimi i plotë:
30 vjet nga dita kur në Srebrenicë është kryer gjenocid. 8 mijë djem e burra boshnjakë u vranë brutalisht nga regjimi i Millosheviqit.
Pas tri dekadash, zëri i Nënave të Srebrenicës mbetet thirrja më e fortë kundër harresës dhe padrejtësisë.
Kosova qëndron përkrah tyre, sepse ne e dimë çfarë do të thotë dhimbja e humbja, por dhe angazhimi i palodhur për drejtësi.
Le të mos harrojmë kurrë, le të mos heshtim kurrë!
